Масовен пречек на норвешките фудбалери во Осло

Десетици илјади навивачи ја пречекаа норвешката фудбалска репрезентација синоќа во Осло, одбележувајќи го најуспешниот настап на земјата во историјата на мундијалските турнири.

Норвешка на тековното Светско првенство прв пат во својата историја дојде до четвртфиналето во кое на драматичен начин загуби од Англија по продолженија.

Според полицијата, околу 100.000 навивачи се собрале изминатата ноќ во центарот на престолнината да ги пречекаат норвешките фудбалери.

Плоштадот на Кралската палата беше преполн кога норвешкиот тим седна пред насобраниот народ, отпоздравувајќи со викиншко веслачко навивање додека скандираа „ру“ (веслање на норвешки), што стана уникатен ритуал на норвешките навивачи за време на Светското првенство.

„Неверојатно е да се види целата поддршка што ја добиваме и како целата земја нè поддржува. Толку многу радост, насмевки и добро расположение. Навистина е одлично“, изјави норвешкиот капитен Мартин Одегард, за јавниот радиодифузен сервис НРК.

Ѕвездата на норвешката репрезентација Ерлинг Халанд не беше присутен на прославата со навивачите, но присуствуваше на приемот што претходно за фудбалерите го организираше кралот Харалд. 

МИА