Медицински отпад среде тротоар во Тетово
Систем за инфузија со остатоци од крв во пластичната цевка фрлен на земја пред контејнер. Оваа фотографијата е направена на улицата „Цветан Димов“, кај контејнерите поставени непосредно по објектите на СВР Тетово покрај реката Пена и ја доловува несовесноста на поединци и неажурноста на комуналните служби во Тетово.
Ваквите фотографии на социјалните мрежи се честа појава со која дел од жителите на Тетово постојано укажуваат на несовесноста на луѓето. Дури и центарот на градот не е поштеден од постојаното фрлање на отпадоци. Фотографиите околу Центарот на култура ја доловуваат сликата во централното градско подрачје. Отпадоци од пластична амбалажа и друг вид смет го има на зелените површини. Како место за смет, наместо како прочистувач на воздухот, се користи и таканареченото „градско дрво-еколошкиот билборд“.
Во текот на летниот период жителите на Тетово се соочуваат и со потребата од поголема општинска грижа за комуналниот смет. Поради зголемување на бројот на луѓе-печалбари кои доаѓаат на одмор во родниот крај повеќекратно се зголемуваат количините смет кои се собираат во контејнерите па и надвор од нив. Сметот што се собира низ градот пред да се однесе во депонијата Русино, се складира на претоварна станица, што сега ја промени локацијата и се наоѓа во Фалише.
Според тетовската градоначалничка, Теута Арифи, проценките се дека нема да ги имаат старите проблеми, односно нема повторно да се собираат огромни купишта смет налик на дива депонија.
– Кога сме работеле за добивање дозволи за работа, имаме дозволи за двете локации. На времето кога сме ги спремале, сме спремале документација за двете позиции. Така да, мислам дека нашето јавно комунално претријатие проценило дека можеби во моментот им врши тука повеќе работа. Остануваат договорите со депонија Дрисла за носење на сметот таму, за претоварните да имаат помалку работа, изјави Арифи.
Неодамна невладината организација Еко Герила преку јавен повик побара Владата да ги одземе ингеренциите на општина Тетово поради неисполнетите законски обврски и нерешени проблеми пред се во областа на животната средина.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп