Мекларен ќе користи мотори на Мерцедес до 2030

Осумкратниот светски првак во конкуренција на конструктори во Формула 1, Мекларен, ќе продолжи да го користи моторот на Мерцедес до 2030 година, откако двете страни објавија денеска дека ја продолжиле соработката за уште четири години.

Мекларен соработува со Мерцедес од 2021 година, а со новиот договор ќе стане првиот купувач на брендот според новите прописи за погонските единици кои стапуваат на сила во 2026 година.

Мекларен и Мерцедес соработуваа од 1993 до 2014 година, по што британскиот тим ги користеше моторите на Хонда од 2015 до 2017, а потоа и на Рено од 2018 до 2021.

Мерцедес во Формула 1 ги снабдува со мотори и Вилијамс и Астон Мартин.