Ин Мемориам: Замина легендарниот тетовски голман Томиќ

Во 59 година од животот почина легендарниот голман на ФК Тетекс Душан Томиќ.Тој неколку години беше незаменлив на голот на тетовчаните и тоа во периодот кога Тетекс беше респектиран клуб не само во Македонија,туку и во поранешна Југославија.Томиќ еден период беше и на голот на Љуботен.Така, во тие 80-сетти години од минатиот век тој стана миленик на фудбалско Тетово. Инаку, во текот на долгогодишната кариера Томиќ бранешe за Црвена звезда и нишки Раднички.

Откако почна да се занимава со тренерската работа Душан Томиќ од 2001 година  му беше помошник на Љупко Петровиќ, како тренер на голманите  на кинескиот  прволигаш Гуан од Пекинг. Тука остана десетина години, а потоа беше тренер уште во неколку кинески порволигаши. Тој ќе остане запишан во кинеската фудбалска историја како еден од најдобрите странски тренери кој седел на клупата на повеќе од 400 натпревари што претставува своевиден рекорд.