Меркел ја почнува турнејата низ Африка

Германската канцеларка Ангела Меркел ја почнува денеска тридневната турнеја низ Африка.

Таа ќе ги посети Мали, Нигер и Етиопија. Посетата има цел да се потенцира неопходноста од економската стабилност во регионот, за да се намали проток на мигранти кон Европа.

Меркел неспоредно пред посетата нагласи дека е потребно да бидат подобрени условите за приватни инвестиции во Африка, а исто така оти се потребни и повеќе средства за проекти во Африка на Светската програма за храна на Обединетите нации.

Меркел повика за подобрување на условите за приватни инвестиции во африканските земји, со цел да се искоренат економските причини за миграцијата.

- Само државната поддршка нема да биде доволна за да даде поттик за развојот на еден цел континент, изјави Меркел.

Планирано е Африка да има централна улога за време на германското претседателство на Г-20 во 2017 година

Во Германија минатата година пристигнале 890 илјади мигранти, при што многу од нив избегале од воени конфликти во Сирија и Авганистан, но и од економските потешкотии со кои се соочуваат во Африка.