Меркел не очекува Г-20 да постигне спогодба по сите прашања на состанокот оваа недела

Германскиот канцелар Ангела Меркел изјави денеска дека очекува на состанокот во Хамбург оваа недела Г-20 да се постигне широк консензус за борба против меѓународниот тероризам, но изјави дека државите од групата веројатно ќе имаат различни ставови во однос на други прашања.

- Сметам дека на крај нема да имаме заеднички ставови за сите прашања, но разумно и чесно е да разговараме за сите прашања во меѓународната дипломатија, изјави Меркел на прес-конференција.

Таа нагласи дека САД, на чело со претседателот Доналд Трамп имаат разлики со други земји во однос на некои прашања. 

- Знаеме дека американската Влада поддржува одредени позиции и не очекуваме тие позиции да бидат сменети како резултат на дводневната посета на Хамбург, рече Меркел.