Меркел: САД и Кина да извршат политички притисок врз Северна Кореја

Германската канцеларка Ангела Меркел ги повика САД и Кина да извршат политички притисок врз Северна Кореја заради нејзината нуклеарна програма, залагајќи се за мирно решение на тензиите.

-Не верувам во воени средства, туку во политичкиот притисок што треба да се изврши врз Северна Кореја од различни страни, рече Меркел за медиумската група Функе, пренесоа британските медиуми.

-Доколку Кина и САД тоа го направат заедно, тоа нема да мине без последици, додаде германската канцеларка.

Кинескиот претседател Кси Џинпинг вчера, во телефонски разговор со американскиот претседател Доналд Трамп, се заложи за мирно решение на растечките тензии на Корејскиот Полуостров.