Меркел: Турција има клучно значење за решавање на мигрантската криза
Германскиот канцелар Ангела Меркел изјави денеска дека Турција има клучна улога во решавањето на мигрантската криза и ја повика Европа да и даде поголема поддршка, за да се справи со приливот на бегалци.
- Без сомнение Турција игра клучна улога во таа ситуација, рече Меркел во Бундестагот, Долниот дом на германскиот Парламент, изложувајќи го ставот на земјата за претстојниот денеска самит на Европската унија во Брисел.
Таа додаде дека повеќето од бегалците од воените зони, кои доаѓаат во Европа, минуваат низ Турција.
- Нема да успеам да воведам ред и да го спречам приливот на бегалци, доколку не работиме заедно со Турција, нагласи германскиот канцелар.
Меркел прецизираше дека поддршката на Анкара треба да вклучува хуманитарна помош и поддршка за обезбедување на границите и борбата против криминалните мрежи за трговија со луѓе.
Таа говореше и за другата важна тема на претстојниот самит, референдумот за останување или излегување од ЕУ во Велика Британија.
- Германија конструктивно ќе соработува со Велика Британија за реформирање на ЕУ, рече Меркел.
Таа нагласи дека некои принципи како слободното движење на луѓе и спречување на дискриминацијата не подлежат на преговори.
- Уверена сум дека ќе успееме да пронајдеме прифатлив компромис, рече таа.
Ново на Сител
-
Герасимовски: Поставивме 720 фотоволтаични панели на покривот на ООУ „Киро Глигоров“
-
Руско МНР: Најмалку 31 цивил е убиен во украинската офанзива врз рускиот Курски регион
-
Царината заплени облека, обувки, бижутерија, чанти, очила, рачни часовници, камагра, жилети, парфеми, техничка стока
-
Утре и во среда локални врнежи од дожд, потоа стабилно со пораст на температурите
-
Посебен режим на сообраќај во Скопје
-
ЕУ одвои уште над милијарда евра за справување со последиците од ланските поплави низ Европа
-
Познати најуспешните македонски компании за 2023 година во првите 10 категории на „Бизнис лидер“
-
Македонски државјанин фатен на граница откако предизвикал сообраќајка при обид да шверцува стока од Косово