-->
-->
Металург почнува со Елверум
-->
Македонскиот вицепрвак Металург новата сезона од ракометната Лига на шампионите ќе ја почне со натпреварот во сабота на домашен терен против норвешкиот шампион Елверум. Овие два тима и лани беа дел од ова натпреварување и играа во истата група. На дуелот во Скопје беше 22:19 за Металург, додека Елверум победи пред своите навивачи со 29:23.
На денешниот прес во пресрет на дуелот тренерот Лино Червар изјави:
- На стартот од Лигата на шампионите ќе играме против „познат противник“. Но, екипата на Елверум има промени во однос на лани. Нивниот главен квалитет е високата одбрана, а ние ќе мора да се обидеме да играме широко и да ја развлечеме. Треба да внимаваме на нивниот брз центар и на нивната транзиција, секако и не смееме да имаме падови во играта. Нашата екипа е младата и по тоа сме единствени во Европа.
За саботниот натпревар во Металург нема да може да сметаат на повредените Немања Обрадовиќ и Стефан Дрогришки, додека за разлика од дуелот од СЕХА лигата се очекува настап на македонскиот репрезентативец Филип Кузмановски.
Капитенот Филип Талески, за првиот ривал сезонава во ЛШ истакна:
- Ова ќе биде дуел со познат противник. Ние сме желни за докажување и за борба. Со максимална ангажираност и со помош од публиката можеме да стигнеме до првата победа што би било одлично.
За годинашниве амбиции на клубот во ЛШ Червар рече:
- Очекуваме да бидеме барем еден чекот во плус во однос на ланската сезона.
Натпреварот Металург – Елверум се игра во сабота со почеток во 17:30 часот во „ВИП Арена“ во СЦ „Борис Трајковски“, а натпреварот ќе го судат Фабиан Баумгарт и Саша Вилд од Германија.
-->
-->
-->
Ново на Сител
-
Расте бројот на повредени лица, најкритичните се транспортираат на лекување во странство
-
Муцунски: До сега, наши пациенти има во Турција, Бугарија, Грција, Србија, Литванија и Унгарија
-
Тошковски: Градоначаникот на Кочани поднесе оставака, во тек е распит на осомничени за трагедијата
-
Во Кочани во тек е истрагата и распитот на осомничените, градоначалникот поднесе неотповиклива оставка
-
Крешник Бектеши е се уште во полициската станица
-
Крешник Бектеши се уште е на разговор во полициска станица Карпош
-
Најголем број од повредените од Кочани се во скопските клиники
-
Во тек се рочишта за пожарот во дискотеката во Кочани, се уште тече истрагата на ЈО