Мицкоски: 12 април е денот кога ќе се случат изборите, за нас втора алтернатива нема
Претседателот на ВМРО-ДПМНЕ, Христијан Мицкоски, истакна дека 12 април е денот кога ќе се случат изборите, и дека за него втора алтернатива нема. Доколку претседателот Стево Пендарвоски не е уверен дали изборите ќе се одржат во април, во тој случај, како што истакна Мицкоски, ВМРО-ДПМНЕ и Коалицијата ќе ги преразгледа односите што ги има со претседателот.
-Последниот пат кога бевме на средбата со Пендаровски, на негова иницијатива сите заеднички, ги ставивме партиските интереси во втор план, ги ставивме државните интереси и интересите на граѓаните на прв план, организиравме заеднички состанок. На тој состанок ги прецизиравме приоритетите кои се за државата, ја реафирмиравме нашата позиција и како политичка партија, но и останатите, за иднината на нашата држава, но истовремено се договоривме дека на 12 април е денот кога практично ќе се случат тие предвремени парламентарни избори, рече Мицкоски на денешната прес-конференција одговарајќи на новинарско прашање.
Според него, Пендаровски се обидува да обезбеди алиби да не се случи катастрофа во април, туку во некој друг период, но и му остава простор на СДСМ да може со збунувачки изјави поврзани со Законот за јазици да ги става на преговарачка маса со коалиционите партнери, при евентуално одложување на предвремени парламентарни избори.
Ново на Сител
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи
-
Мицкоски и Таравари разговарале за принципите за идно коалицирање и заедничка соработка
-
Уапсени во Косово маж и жена, руски државјани, влегле од Србија без визи
-
Зеленски до Парламентот поднесе предлог-закон за продолжување на мобилизацијата