Мицкоски: Ако сака Ковачевски да владее 12 години прво нека победи на избори

Лидерот на ВМРО-ДПМНЕ, Христијан Мицкоски во гостувањето во Тема на денот на Сител ТВ, истакна дека од понеделник преку Собранието партијата ќе поднесе закон за укинување на техничката влада, а за предвремени избори нуди договор за една изборна единица, па доколку сака Ковачевски да владее 12 години прво треба да победи на избори.

- Ќе поднесеме закон кој е веќе подготвен за измени на Законот за Влада, во којшто велиме дека е потребно да се избрише тоа коешто до сега го третираше техничката влада, нека се охрабрат еве Оливер Спасовски нели му го држи стравот на моменталниот премиер, ајде да излеземе на парламентарни избори еве вчера вели дека ќе владеел 12 години, ќе бил премиер кој ќе владее 12 години еве можност во скратен рок  45, до 60 дена да излеземе на предвремени парламентарни избори, порача Мицкоски.