Мицкоски: Правдата ќе го казни заевизмот за сето она што го ветија, а не го направија и за се она штетно што испорачаа
Иако во изминатите месеци тивко се зборуваше, последниве денови се погласно се говори од страна на експонентите на власта дека, наместо да избираат граѓаните, можен е избор на претседател во Собранието на Република Македонија. Сакам да бидеме на јасно, ова е сценарио за суспендирање на волјата на граѓаните, поништување и укинување на правото граѓанинот директно, на непосредни избори да го избира својот претседател. Добро се знае кој го има мнозинството во Собранието, исто како што се знае и начинот до кој дојдоа до тоа мнозинство, изјави лидерот на ВМРО-ДПМНЕ Христијан Мицкоски на денешната прес-конференција.
Додаде, да се поништува волјата на граѓаните и да се избира претседател наместо на избори, во Собрание, како што рече, не е баш европска Македонија, а уште помалку некакво одење напред.
– Кој е начинот да се избегне ова сценарио на кое сега јавно предупредувам? Да се излезе што помасовно во недела, во што поголем број и да се покаже дека народот е главен суверен во оваа земја и дека правдата ќе победи, правдата ќе го казни заевизмот за сето она што го ветија, а не го направија и за се она штетно што испорачаа. Сега е моментот кога треба да се биде гласен и да се преземе судбината во свои раце. Власта да не се дрзнува да ја попречува вољата на народот и да не пристапува кон методите на фалсификат како што тоа го правеше за време на референдумот. Тоа овој пат нема да помине, рече Мицкоски.
На прашање во однос на обезбедувањето на цензусот, за можните калкулации што власта ги најави околу изборот на претседателот и дали се точни информациите дека имале средба со Али Ахмети и дека на таа средба му ветил излезност, Мицкоски посочи дека немале таква средба.
– Не сум имал таква средба и не сме разговарале на таа тема со господинот Али Ахмети. Но, доколку ја погледнете изјавата кој што ја даде претпоставувам се реферирате на изјавата од вчера дадена на Клик Плус на една телевизија, ќе видете дека оние портали и медиуми блиски до Заев Зоран и неговата група, комплетно ја извртија изјавата бидејќи изјавата реферира не на наша средба, туку на моите изјави дадени на митинзите и во јавноста и ако се преведе како што треба да се преведе, јасно кажува таму дека се повикува на тоа што јас го говорам во јавноста, а не на некаква наша средба, а ниту пак станува збор на некакво ветување, одговори Мицкоски.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време