Мицкоски: ВМРО му припаѓа на народот, нека е за многу години Денот на Македонската револуционерна борба
Дозволете ми од мое лично име и од име на ВМРО-ДПМНЕ да ви го честитам 23 ти Октомври – Денот на Македонската револуционерна борба.
ВМРО ги опфатило сите напредни и прогресивни елементи во македонското општество, целата Македонска интелигенција, стопанствениците и работливите Македонски селани. Сите тие заедно ја почнаа борбата која резултираше со Илинден 1903, а кулминираше со Илинден 1944.
ВМРО е симболот на Македонското единство. Под знамето за слобода се обединети сите и Македонци, Албанци, Турци, Роми, Срби, Власи, сите кои сакале слободна Македонија, да бидат свои на своето. Таа нивна мисла била многу напред во тоа време бидејќи се темелела на принципите на солидарност, еднаквост, правда, правичност.
Нивната пожртвуваност тогаш е нашата слобода денес. Да го вреднуваме тоа, да не дозволиме нивната жртва да биде залудна. Имаме огромна мисија да ја унапредуваме таа слобода, и да ја негуваме солидарноста, еднаквоста и правдата. Економски да ја развиваме нашата земја, да рушиме бариери и ѕидови кои раздвојуваат.
ВМРО обединувало. ВМРО му припаѓа на народот.
Нека е за многу години Денот на Македонската револуционерна борба. Честит празник Македонијо.
проф. д-р Христијан Мицкоски
Претседател на ВМРО-ДПМНЕ
Центар за комуникации на ВМРО-ДПМНЕ
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи