Мицотакис уште еднаш ги отфрли сценаријата за предвремени избори во Грција
Вие ја држите високо оваа партија и ми давате сила, со уште поголем ентузијазам, да ја продолжам нашата борба за обнова на земјата. И вие ќе ставите потпис на уште една изборна победа на изборите што ќе се одржат за 12 месеци од сега, им порача грчкиот премиер Кирјакос Мицотакис на членовите на Нова демократија на партискиот Конгрес, со што уште еднаш ги отфрли сценаријата за предвремени парламентарни избори во Грција, јави дописничката на МИА од Атина.
Во говорот на крајот од 14-от Конгрес на Нова демократија, Мицотакис истакна дека Грција геополитички е зајакната во последните три години, а земјата „денес е посилна на сите нивоа, посилна економски, посилна геополитички, посилна во Европа“.
За надворешната политика тој посочи дека Грција е мост меѓу три континенти, фактор во енергетиката и протагонист на патот на Европа за стратешка автономија.
Потенцираше дека национална цел е во текот на летото земјата да излезе од последната фаза на засилен надзор за „конечно да се затвори трауматичното поглавје отворено пред една деценија“.
Ново на Сител
-
ЦУК: Можно зголемување на водостојот на реките во западниот дел на земјава
-
Шпанското обвинителство бара 4 години и 9 месеци затвор за Карло Анчелоти за финансиска измама
-
Вештачење: Струјата вo модуларната болница ја инсталирале нестручни лица од болницата
-
Вештачење: Струјата во модуларната болница ја инсталирале нестручни лица од болницата
-
Без струја утре дел од Трубарево
-
Службени лица без налог насилно влегле во дом и го нападнале сопственикот пред неговиот син
-
Нови 511 заболени од грип, пад од 39,1 отсто споредено со претходната недела
-
Филипче пред средбата со Мицкоски: Очекувам конструктивен разговор, состанокот нема етничка димензија