Министерот Амети во посета на Кањонот Матка, акција за чистење и уредување на просторот
Министерот за животна средина и просторно планирање Башким Амети, денеска го посети локалитетот Кањон Матка, каде што на негова иницијатива се спроведува акција за чистење и уредување на просторот.
Покрај собирање на неправилно одложениот отпад и обезбедување на дополнителни канти за отпадоци, соопшти денеска Министерството за животна средина и просторно планирање, акцијата има за цел и подигање на јавната свест и развивање добри навики кај посетителите за постапување со комуналниот отпад.
- Ова треба да допринесе за почиста и зачувана животна средина во овој преубав локалитет кој воедно е и споменик на природата, стои во соопштението.
Во акцијата се вклучиле јавните комунални претпријатија од Град Скопје и од општина Сарај, претставници од АРМ, како и волонтери од општината и околните населени места.
- Отпадоци се собираа на и околу кајакарската патека покрај реката Треска, до браната на кањон Матка, а во тој потег се поставени шест нови клупи и 20 канти за отпад обезбедени од колетивниот постапувач со отпад „Пакомак“, се појаснува во соопштението.
Ново на Сител
-
Струмичани ќе добиваат вода за пиење од апарати и канистри поставени низ градот
-
Собранието ќе ја започне 16. седница
-
Седница на Уставен суд
-
Првите 100 дена на новата Влада за власта успешни, опозицијата со серија критики
-
Папата Франциск побара прошка за сексуалната злоупотреба и третманот на жените во Црквата
-
Две експлозии во Копенхаген
-
Итна седница на Советот за безбедност на ОН за ситуацијата на Блискиот Исток
-
Сообраќајот се одвива по суви коловози