Министерството за одбрана ги повикува пензионираните припадници на Армијата од 2005 до 2010 година, да поднесат индивидуално барање за исправка на пензиите до ПИОМ
Со измени на Законот за служба во Армијата, предложени од пратениците Илија Николовски и Соња Мираковска, се исправи уште една неправда која се однесува на пензионираните припадници на Армијата. Процентот кој се одзема од основата за пензија за секоја година пократок пензиски стаж од 1% како што беше утврдено со Законот за служба од 2005 до 2010 година, со новите законски измени се израмнува со законското решение од 2011 до денеска и се намалува на 0,5 проценти. Тоа значи дека сите пензионирани припадници на Армијата во периодот од 2005 до 2010 година ќе земаат поголеми пензии.
Ги повикуваме сите припадници кои се пензионирале во тој период, до 10 јануари индивидуално да поднесат Барање за обновување на управна постапка за утврдување на висина на пензијата.
Постапката во Фондот за пензиско и инвалидско осигурување, поради обемот на работа ќе трае неколку месеци, по што ќе започне исплатата на поголемите пензии. Министерството за одбрана преку групата пензионери – иницијатори ги информираше сите засегнати пензионери – поранешни припадници на Армијата, а задолжи и лице кое ќе го следи процесот за сите кои се опфатени со измените во Законот навреме да ги достават своите барања.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување