Мишел ќе се сретне со Борис Џонсон во Њујорк
Идниот претседател на Европскиот Совет, Шарл Мишел, денеска во Њујорк ќе оствари средба со британскиот премиер, Борис Џонсон.
Мишел учествува на Генералното Собрание на Обединетите Нации во Њујорк во својство на премиер на Белгија во заминување, од први ноември тој ќе ја преземе функцијата претседател на Европскиот Совет, на местото на Доналд Туск.
Средбата со Џонсон е потврдена во последен момент синоќа, но двајцата премиери нема да даваат изјави за медиумите, ниту да ја коментираат средбата отпосле, најавија прес службите на Мишел.
Средбата доаѓа неколку дена откако британската страна испрати документи до Европската Комисија во кои се разгледуваат алтернативни решенија за Брегзит и прашањето со внатрешната ирска граница.
Обединетото Кралство треба да истапи од ЕУ на 31 октомври, Џонсон предупреди дека нема да прифати ново одлагање на рокот.
Ново на Сител
-
Кумановка измамена за 6.000 денари за набавка на огревни дрва
-
Во центарот на Куманово откриен мурал со ликот на Бобан Трајковски кој беше убиен пред 23 години кај Вејце
-
Приложил патна исправа на негов другар, Албанец уапсен на Табановце
-
Краделе велосипеди во Аеродром, приведени двајца крадци од Србија
-
Бајден за Трамп: Се натпреварувам против „шестгодишно дете“
-
Избоден млад кавадарчанец
-
Оштетиле повеќе предмети и украле пари, уапсени двајца кавадарчани
-
СПМ: Срамни се обидите на СДСМ да ги убедат граѓаните дека грешеле во првиот круг