Митинзи против абортусот во Хрватска
Илјадници демонстранти излегоа на улиците во Хрватска за да го изразат својот став против абортусот. Според нив, сè повеќе се загрозуваат репродуктивните права на граѓаните.
Демонстрантите во главниот град Загреб, од кои повеќето не носеа маски, пееја патриотски песни и носеа транспаренти на кои пишуваше „И неродените животи се важни“.
– Наша должност е да застанеме во заштита на секој човечки живот, вклучително и на неродените деца, изјави Лука Худинчец, еден од организаторите на протестот.
Различни лево ориентирани и феминистички групи се спротивставија на собирот, носејќи крвави престилки и закачалки за облека, што се однесува на нелегален абортус.
Митингот против абортусот се одржува еден ден пред локалните избори, за кои анкетите на јавното мислење му даваат предност на лево-зелениот кандидат за градоначалник на Загреб.
– Очекуваме политичарите, кои не претставуваат и на локално и на национално ниво, да го застапуваат основното човеково право – правото на живот, истакна еден од организаторите, кој се претстави како Стјепан.
Абортусот е легален во Хрватска до десетата недела од бременоста, според законот од 1978 година, кога земјата сè уште беше дел од СФРЈ. Но, се повеќе лекари одбиваат да ја извршат постапката поради морални причини или зголемен религиозен притисок.
Во 2017 година, Врховниот суд на Хрватска донесе одлука дека актуелното законодавство е застарено.
Речиси 90 отсто од 4,2 милионското население во Хрватска се католици и Црквата игра централна улога во животот на граѓаните.
Ново на Сител
-
Околу два милиони денари од хуманитарниот пикник на Алкалоид за СОС Детско село
-
Непалците ја користат нашата држава како попатна станица кон Европа
-
Од 30-ти септември до 2-ри октомври „Денови на модата“ во Штип
-
Израел се подготвува за инвазија во Либан
-
Тема на денот со Марјан Ненов од движењето Стоп извршители
-
Почина родилка во кумановската болница, новороденчето на интензивна на Детска
-
Струмица и шест села останаа без исправна вода за пиење
-
Законот за нефер трговски практики стапи на сила, поевтинување нема