Младинците против Косово ќе се борат за што подобар пласман

 

 Како трето пласирана во групата Ц македонската репрезентација не успеаја да ја минат првата групна фаза од Европското првенство (Дивизија Б) за кошаркари до 20 години. Во следната фаза поминаа домаќинот Романија и Грузија додека Македонија Малта и Албанија ќе се борат за што подобар пласман на ова континентално првенство.

 

Според системот на првенството, трето пласираниот од нашата група за пласман од деветтото до шеснаесеттото место ќе разигрува против четврто пласираниот во групата Д. Па така, избраниците на Мирко Петрески во првата битка за пласман 9-16.место ќе се борат против селекцијата на Косово.

 

Во неполн месец, нашите младинци двапати беа подобри од Косово. Првиот пат ги совладаа на домашен терен со 82-72 што всушност беше и првиот пријателски натпревар на младинската репрезентација во рамки на подготовките пред првенството. Вториот меѓусебен натпревар го одиграа на гостински терен и повторно запишаа триумф со 66-68.