Могерини и Хан го поздравија изборот на новата македонска Влада
Високата претставничка за надворешна и безбедносна политика на Европската унија, Федерика Могерини и еврокомесарот за преговори за проширување Јоханес Хан, утирнава во заедничко соопштение го поздравија изборот на новата македонска Влада, јави дописникот на МИА од Брисел.
Во исто време, Могерини и Хан порачаа дека очекуваат Владата на премиерот Зоран Заев и опозицијата, да изготват заедничка програма за реформска агенда која ќе биде од корист за Република Македонија.
- Ние го поздравуваме гласањето за новата влада предводена од премиерот Зоран Заев. Европската унија е подготвена да ја поддржи работата што новата влада, како и опозицијата, ќе ја прават за конструктивно да се имплементираат сите делови од договорот Пржино и Итните реформски приоритети. Очекуваме сите парламентарни партии да ги остават нивните поделби настрана во моментов и од почеток да работат заеднички на доставување на заедничка реформска агенда која ќе биде од корист на земјата во целост. Ова е, исто така, од суштинско значење за да се врати земјата на својот пат кон европската интеграција, процес кој граѓаните јасно го сакаат и го заслужуваат - се вели во соопштението на високата европска двојка.
Со оглед на тоа што минатата недела веќе беше примен во Брисел од Федерика Могерини, на заедничка неформална вечера со останати пет премиери на балканските држави, претседателот на макеоднската Влада, Зоран Заев, наскоро се очекува да биде поканет во придружба на новиот министер за надворешни работи Никола Димитров повторно да ја посети европската престолнина овојпат за средба со еврокомесарот Јоханес Хан.
Популарно од Македонија
Ново на Сител
-
Мицкоски: И понатаму ќе продолжиме да бидеме држава со најниска цена на бензините и на дизел горивото
-
Мицкоски: Македонија не е меѓу земјите со дополнителни американски царини, но тоа не значи дека тргува без царини
-
Мицкоски: Средствата позајмени од МНАВ, МЕПСО и Лотарија ќе се користат за отплата на кредит
-
Клучката кај Момин Поток ќе биде завршена до Нова година
-
Променливо облачно и нестабилно време со пороен дожд, грмежи и силен ветер се очекува утре
-
Арсенал размислува за трансфер на Винисиус од Реал
-
Трет дрон соборен во романскиот воздушен простор, Букурешт ќе поднесе дипломатски протест до Москва
-
Ѓорѓиевски: Најголемата почит кон жртвите од земјотресот во 1963 е да создадеме град достоен за нивниот спомен
