Момче се бори за живот по тешка сообраќајка во Аеродром

Дваесет годишниот Д.Р. од Скопје се бори за живот во ГОБ „Св. Наум Охридски“ по сообраќајна несреќа која вчера попладне се случила на булеварот „Јане Сандански“ во Аеродром.

 

Од полицијата денес информираат дека до несреќата дошло при судир на автомобил „Рено“ кој го управувал О.И. (57) од Кратово, со привемено живеалиште во Скопје, и мотор „Априлија“ управуван од Д.Р.

 

Повреденото момче со друго возило било пренесено во болница каде му биле констатирани тешки повреди и се наоѓа на Одделот за интензивна нега во животна опасност. На местото на несреќата полицијата извршила увид.