-->
-->
Мундобаскет 2019: Победи на Русија и Грција
-->
Кошаркарската репрезентација на Русија ја оствари првата победа во квалификациите за Светското првенство, што во 2019 година ќе се одржи во Кина.
По поразот пред три дена на гостувањето во БиХ, селекцијата на Русија попладнево пред својата публика во Нижни Новогород ја победи Белгија со 74-69 во меч од втората рунда во квалификациите.
И овојпат Русите се мачеа да стигнат до посакуваниот триумф, па откако на полувремето се замина со израмнет резултат 36-36, во третата четвртина руските кошаркари направија предност од 15 поени (26-11).
Сепак во последниот период гостите од Белгија се доближија на шест негатива (72-66) на две минути пред крајот, но немаа и сили за комплетен резултатски пресврт, па Русија забележа победа со конечни 74-69.
Најефикасен во руската репрезентација беше Карашев со 12 поени, а Зубков и Кулагин постигнаа 11 односно 10 поени.
Ова беше дуел од Е групата во која вечерва ќе играат Франција и БиХ, селекции кои во првото коло забележаа победи.
Во рамките на Х група, Грција го победи Израел со 82-61, а попладнево во оваа група ќе играат Естонија и Велика Британија.
Во останатите две групи, двојките за денеска се:
Ф група: Финска – Чешка и Исланд – Бугарија.
Г група: Србија - Грузија и Австрија – Германија.
Со овие натпревари ќе биде комплетирано второто коло, по што ќе следи пауза до февуари 2018 година, кога на програмата ќе бидат дуелите од вториот „прозорец“ односно средбите од третото и четвртото коло.
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп