МВР доби 45 „шкоди“ од Чешка
Во Министерството за внатрешни работи денеска беше предадена чешката донација од 45 возила марка „Шкода“, вредна околу милион евра.
Возилата ќе ги користат граничната полиција и полициските станици во граничните подрачја.
Донацијата на министерот за внатрешни работи Оливер Спасовски официјално му ја предаде амбасадорот Мирослав Томан.
- Република Чешка особено во време на мигрантската криза даде извонреден придонес за зајакнување на капацитетите на македонската полиција. Нивната финансиска и материјално-техничка помош веќе надминува два милиона евра. Со оваа донација набавени се возила кои ќе служат и за граничната полиција, но и за полициските станици кои се во граничните подрачја со цел да се зголемиме ефикасноста на полицијата, а со тоа и безбедноста на граѓаните, рече Спасовски.
Амбасадорот Томан истакна дека Република Чешка со задоволство и помага на македонската полиција и тоа ќе го прави во иднина.
- Со министерот Спасовски разговараме како понатаму Република Чешка да му помогне на МВР. Република Чешка не помага само финансиски, туку на јужната граница е веќе 14. контингент чешки полицајци кои помагаат јужната граница да биде што побезбедна. Соработката меѓу македонските и чешките полицајци е одлична и во следната 2018 година ќе продолжиме со истиот број полициски службеници, истакна Томан.
Од 2016 година досега во обезбедувањето на јужната граница учествуваа 534 чешки полициски службеници, а реализацијата на проектот е предвидена и за наредната 2018 година.
Ново на Сител
-
Портокалов метео аларм во Шпанија, повторно се очекуваат обилни дождови
-
Протест пред обвинителството во Нови Сад: Граѓаните бараат ослободување на активистите
-
Во Италија вратена и втората група мигранти од кампот Ѓадр во Албанија, но и дел од вработените
-
Муцунски: На седумте амбасадори им завршува мандатот, во моментов течат консултации и наскоро ќе почне процес на именување нови амбасадори
-
Мерц: Избори во февруари e добро решение
-
Дарио Ивановски е спортист на годината, награди и за легендарните Хаџиевски и Радиќ
-
Маж избодел две девојчиња и двајца мажи, случајни минувачи во Урошевац
-
Кина: Возач намерно удри со автомобилот во толпа, загинаа 35 лица