МВР потврди дека по барање на Србија е уапсено лице од Косово
МВР денеска потврди дека на Граничниот премин Јажинце, на влез во државата, вчера во 16.00 часот полициски службеници го лишиле од слобода Б.Р.(47) од Косово, затоа што при пасошка контрола и извршени проверки било констатирано дека во службената евиденција е со мерка „апси“, по барање на Интерпол Србија.
Тој бил предаден на полициски службеници од СВР Тетово за понатамошна постапка.
Претходно, дописникот на МИА од Приштина јави дека Министерството за надворешни работи и дијаспора на Косово синоќа соопштило дека е информирано за апсењето на косовски државјанин од страна на полицијата на Северна Македонија, врз основа на потерница издадена од Србија.
Од косовското МНР информираа дека станува збор за Блерим Рамадани, поранешен припадник на Ослободителната војска на Косово (ОВК) во оперативната зона Неродиме.
- Нашиот амбасадор во Северна Македонија, г. (Фљориан) Ќехаја, интензивно се залага за решавање на овој случај и како Министерство за надворешни работи работиме со македонските власти за брзо ослободување на г. Рамадани. МНР ќе ја информира јавноста за натамошниот развој на настаните во врска со овој случај, се наведува во соопштението.
Ново на Сител
-
Се преврте туристички автобус во Турција, шест лица погинаа, а 25 се повредени
-
Без една рака со стап пробува да го бутне дронот, последниот момент од животот на Синвар | ВИДЕО
-
Силен земјотрес ноќеска ја погоди Грција
-
Претрес во Гевгелија, пронајдена дрога
-
Тошковски: За два дена разбиени две големи криминални групи
-
Меси не ја исклучува можноста за учество на СП во 2026 година
-
Со сослушување сведоци во Кривичен продолжува судењето за двојното убиство на Вања и Панче
-
Втор ден од министерскиот состанок на НАТО на кој учествува и министерот за одбрана Мисајловски