МЗ:Лажна веста дека починала жена од слепо црево на Клинички центар бидејќи немало слободен кревет

Министерството за здравство ја известува јавноста дека информацијата пласирана од порталот „Скопјеинфо“ под наслов „Скопјанка починала од слепо црево – немало слободен кревет во клинички“ е лажна вест и новинарски апсолутно некоректно и тенденциозно пренесено.

Во текстот не е одговорено на ниту едно од петте новинарски прашања, што е базична писменост, неопходно за да се напише барем информативен текст. Не е наведено ниту место, Клинички Центар го сочинуваат повеќе од 30 Клиники, не е наведено ниту времето кога е се случил настанот.

Коментарите, дека станува збор за последна жртва на здравствениот хаос се неосновани и тенденциозни. Редакцијата на „Скопјеинфо“ не ги контактирале надлежните институции, ниту побарале изјава за овие шпекулации.

Од редакцијата на „Скопјеинфо“  бараме јавно извинување за клеветите наведени во текстот и нанесената штета, во спротивно ќе преземеме мерки предвидени според Закон, стои во соопштението испратено од Министерство за здравство.