На демонстрантите во Иран ќе им се суди како на непријатели на Бог

Шефот на иранското правосудство Големхосен Мохсени-Ежеи најави брзи судења на притворените ирански демонстранти.

– Ако сакаме да завршиме некоја работа, тоа треба да го направиме сега. Ако сакаме нешто да направиме, тоа мора брзо да го сториме, истакна Мохсени-Ежеи.

Според него судењата на демонстрантите треба да се јавни.

Главниот обвинител на Иран, Мохамад Мовахеди Азад претходно најави дека демонстрантите ќе бидат обвинети како непријатели на Бог, за што согласно иранските закони предвидена е смртна казна.

МИА