На ГП „Табановце“ и „Богородица“ се чека околу 20 минути

На граничниот премин „Табановце” кон Србија и на граничниот премин „Богородица” кон Грција попладнево времето на чекање за влез во државата изнесува околу 20 минути, соопшти Авто мото сојузот на Македонија.

На останатите гранични премини од македонска страна нема подолги задржувања за влез и излез од државата.

Интензитетот на сообраќај надвор од градските средини е умерен.