Балкан
1. August 2017 - 9:14

На Крит регистриран земјотрес со јачина од 5,3 степени според Рихтер

Земјотрес со јачина на ударот од 5,3 степени според Рихтеровата скала денеска е регистриран во Средоземно Море, крај брегот на грчкиот остров Крит, пренесе ТАСС, повикувајќи се на американскиот Геофизички институт.

Епицентарот на потресот бил на околу 43 километри од јужното крајбрежје на Крит, на длабочина од 16 километри.

Засега нема информации за настрадани лица или разурнувања, ниту за опасност од цунами.