Национални стратегии за спречување насилен екстремизам и за борба со тероризам
Национални стратегии за спречување насилен екстремизам и за борба против тероризам, со акциски планови за имплементација, донесе Владата на денешната 57-ма седница.
Владината прес-служба соопшти и дека е усвоена информација за реализација на проектот „Изградба на пречистителна станица за отпадни води и рехабилитација и проширување на канализациската мрежа во општина Битола“.
- Министерството за животна средина и просторно планирање до Секретаријатот за европски прашања треба да достави ИПА апликација за проектот, а потоа СЕП апликацијата да ја достави до Делегација на ЕУ во Скопје и таа да се препрати до Европската комисија во Брисел, наведува службата на Владата за информирање.
Портпаролот Миле Бошњаковски претходно вечерва информираше дека на оваа седница е усвоена информација во врска со изградба на автопатот Демир Капија – Смоквица и дека тој ќе биде пуштен во употреба кон средината на април.
Владата денеска одлучи и да ја стави во мирување продажбата на „мерцедесот” од 600.000 евра, што го набави претходната влада. Процесот на продавање на возилото ќе биде во мирување до завршувањето на судскиот спор во кој може да се појави потреба да биде доказен материјал.
- Оваа одлука се носи со цел да се оневозможи избегнување одговорност на обвинетите во судскиот процес каде возилото е предмет на интерес, соопштија од Владата.
Исто така, на седницата е одлучено да се прекине постапката за измена на Планот за управување на Националниот парк Галичица, согласно со препораките на УНЕСКО. Тоа значи дека овој национален парк и натаму останува заштитено светско наследство на листата на УНЕСКО.
Ново на Сител
-
МЗ: Отворен телефонски број за директна комуникација со министерот
-
Тошковски: Пристигнуваат „ер трактори“ и хеликоптери од Турција, Словенија, Србија и Црна Гора
-
Хоспитализирани уште осум лица со голема кашлица, вкупно 905 заболени
-
Поставен камен темелник за изградба на спортска сала во Лескоец
-
Помалку часови наплата на зонско паркирање во Тетово
-
Превентивно-едукативна кампања за заштита од топлотен удар на „Ќафасан“
-
Мицкоски: Утре и задутре ситуацијата со пожарите ќе се стави под контрола
-
МОН: Од денеска почнува електронското аплицирање за сместување во студентски домови