Најголемите македонски партии викендов ќе ги промовираат кандидатските листи за пратеници
Најголемите македонски партии викендов ќе ги промовираат кандидатските листи за пратеници за претстојните парламентарни избори. Опозициската ВМРО-ДПМНЕ најави дека денеска ќе ги промовира кандидатите за пратеници на коалицијата „Твоја Македонија“, а според најавите, СДСМ утре ќе ги промовира листите за пратеници на Коалицијата за европска иднина.
Во пресрет на претседателските и парламентарните избори, веќе се искристализирани пет коалиции и две партии кои ќе одат самостојно. На помалку од една недела до официјалниот почеток на изборната кампања дефинирани се коалицииите - „Коалиција за европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, коалицијата „Европскиот фронт“ предводена од ДУИ и коалицијата „ВРЕДИ“ на албанската опозиција. Самостојно на изборите, според досегашните најави, одат ЗНАМ - За наша Македонија и партијата „Левица“.
Учесниците на изборите до 2 април треба да ги достават кандидатските листи за пратеници до Државната изборна комисија. Парламентарните избори се закажани за 8 мај, а следната недела на 4 април почнува и изборната кампања за седмите претседателски избори за кои во првиот круг ќе се гласа на 24 април.
Ново на Сител
-
Амбер Алерт: Кои чекори треба да ги преземете ако вашето дете исчезне?
-
КСЗД го презентираше извештајот за минатата година
-
Две лица осомничени за поткуп – се чека притвор за врховниот судија
-
Почнува процесот на прегласување за парламентарните избори
-
Преглед на вестите од светот
-
Уапсен врховниот судија Наке Георгиев фатен на дело со 10,000 евра мито
-
Приведен судија од Врховен суд за примање поткуп
-
Тема на денот со Срѓан Керим