Најмалку 5 фунционери на ЕУ загинаа при уривање на авион
Најмалку пет лица загинаа кога мал авион, со кој се претпоставува дека веројатно патувале функционери на Европската унија, се урна утрово, непосредно по полетувањето од Малта, соопштија извори од аеродромот и очевидци, јавува ДПА.
Медиумските извештаи укажуваат дека станува збор за службеници од граничната агенција на ЕУ Фронтекс, но Фронтекст на Твитер тоа го демантираше.
„Авионот кој се урна на Малта не е на Фронтекс“, напиша на Твитер оваа агенција.
Весникот „Тајмс оф Малта", пренесува ДПА, соопшти дека воениот авион бил земен под наем од Луксембург за потребите на Фронтекс. Нема информации за националноста на жртвите.
Авионската несреќа, најтешка во мирновременската историја на Малта, се случила околу 7:20 часот по локално време (5:30 часот По Гринич), набргу откако авионот полетал во 7.10 часот за Мисрата, Либија.
Спасувачите бараат евентуални преживеани, иако се стравува дека сите загинале.
Авионот, двомоторен Метролајнер, може да превезува околу 10 лица. Дел од огнени остатоци се наоѓаат на пат во периметарот на аеродромот, а пожарникари го заливаат местото на несреќата со пена.
Видеоснимка покажува голем пожар, со столбови црн чад.
Ново на Сител
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор