Најмалку 94 лица загинаа во поплавите во Непал и Индија
Најмалку 94 лица загинале во поплавите и одроните ширум Непал и Индија, а официјални претставници на двете земји стравуваат дека оваа бројка може драстично да се зголеми, бидејќи спасувачите трагаат по десетици лица за кои се верува дека останале затрупани во погодените села.
Во Непал загинале 49 лица, а илјадници биле присилени да ги напуштат своите домови.
Шефот на националната служба за вонредни ситуации изјави дека 17 лица се водат за исчезнати.
Црвениот крст, меѓутоа, изнесува податок дека загинале 53 лица, а дека десетици се повредени или исчезанти, како и дека илјадници куќи се уништени, пренесоа француските медиуми.
Обилнете дождови погодија повеќе од десетина дистрикти на истокот од земјата, како и одделни подрачја на западот, соопшти непалското Министестарство за внатрешни работи.
Во Индија, пак, загинале најмалку 45 лица кога, во планинските северни делови од земјата, свлечиште се урнало врз два патнички автобуса, што слетеле од патот и се урнале во длабока клисура.
Несреќата се случила непосредно по полноќ во индиската држава Химачал Прадеш.
- Пронајдени се телата на 45 лица, изјави локалниот претставник Сандип Кадам, пренесоа француските медиуми.
Истрагата утврдила дека на патот се урнале тони и тони кал и камења.
Спасувачките екипи, на кои им се приклучила и војската, и натаму го пребаруваат местото на несреќата, стравувајќи дека под свлечиштето има уште заробени лица.
Ново на Сител
-
Училиштата во Општина Карпош и натаму без парно греење
-
Тестираните за „Птичји грип“ се негативни
-
Санкции за смртта на 14-месечното бебе
-
Почна вакцинацијата против сезонски грип – денеска термин добиле 5.700 граѓани
-
Ахмети го свика централното претседателство на ДУИ: Протестите можна точка за дебата
-
Влада: Уставните измените со одложено дејство се се уште во игра
-
Мицкоски: Сакаме да биде конструктивни но не плашат билатералните прашања
-
Италија сè уште ги признава само возачките дозволи со „Република Македонија“