Нападот во Берлин е местенка?! Хрватски политичар ги разбранува социјалните мрежи, тврди дека ова видео е доказ!

Представникот на Живиот ѕид во хрватски Сабор, Иван Пернар во понеделникот со својата објава на Фејсбук уште еднаш привлече големо внимание кај јавноста. Тој сподели приказна со која го доведува во прашање терористичкиот напад во Берлин.

Пернар истакнал дека му е премногу чудно што никој не ги видел жртвите од нападот во Берлин и дека се изгледа како една голема игра. Никој не видел ниту едно повредено лице, ниту пак се објавени имињата на жртвите, пренесува Индекс.хр.

- Една од најчудните работи е дека никој никаде не видел барем еден од од повредените, ниту пак е објавено ниту еден од настраданите од 19.12.2016 на Божиќниот саем во Берлин, напишал Пернар.

Во приказната што ја споделил Пернар, германскиот поборник на заговор Жерард Висевски ги анализира снимките од нападот, предупредувајќи на „нелогичности“ во целиот случај.

Подсетуваме, германската полиција ги потврди идентитетите на неколку убиени во нападот. Како што пишува Гардијан, убиени се 31 годишната Фабрициа ди Лоренцо, Далија Елјаким (чии сопруг е тешко повреден во нападот), Нада Цизмар и полскиот возач на камионот Лукас Урбан.