Настава во училиште од 1-ви септември, со поддршка од родителите и наставниот кадар
Се поизвесно враќањето на учениците во школските клупи. Министерот за образование Арбр Адеми најави официјализирање на одлуката во наредната недела, на презентацијата на истражувањето “„Искуства и ставови за учењето на далечина за време на пандемијата на КОВИД-19”. Адеми посочи дека протоколите се веќе разгледани и одобрени, а позитивен став за враќање на децата во училиште имаат сите релевантни институции. Резултатите од истражувањето спроведено од Министерството за образование и наука, Бирото за развој на образованието и УНИЦЕФ, покажале дека за отворање на училиштата се над половина од речиси 10 илјади анкетирани директори, наставници и родители.
На неопходноста од отворањето на училиштата посочи и претставничката на УНИЦЕФ, која предупреди на сериозните негативни последици доколку децата останат надвор од училиштата. Заклучоците од истражувањето ги изнесоа на виделина потешкотиите со кои се соочија сите учесници во образовниот процес од почетокот на пандемијата. Мнозинството наставници не успевале да стапат во контакт со некои од учениците, а работните обврски ги спречувале родителите да поддржат своите деца за време на учењето на далечина. На недостатоците денеска се осврна и Народниот правобранител, од каде посочија дека најпогодени биле учениците во руралните средини, од социјално загрозените семејства, како и учениците со попреченост.
Горан Симоновски
Ново на Сител
-
Вучиќ: Србија останува стабилна, нема одлука за избори по оставката на премиерот
-
Изненадувачки голема реколта на тутун годинава во Македонија
-
Тема на денот со Маријана Лончар Велкова, претседателка на организација на потрошувачи
-
Бојкот на маркетите во петок, поради високите цени
-
ЕСМ бара поскапување на парното
-
Касами ќе премиенува 300 улици во Тетово, премиерот дециден - Владата нема да одобри еднострани одлуки на општината
-
Владата одлучи: 250 милони евра од унгарскиот кредит на располагање на стопанството
-
Утре ќе стигнат дел од дефицитарните лекови на Онкологија