Не го вознемирувајте додека јаде: Слон нокаутираше турист

Не го вознемирувајте слонот додека јаде. Ова е лекцијата која на потешкиот начин ја научи еден турист кој бил на одмор на Тајланд.

На видео снимката која кружи на Интернет, туристот Коди Стинер му нуди на слонот листови обидувајќи се да му се приближи што е можно повеќе.

Неколку секунди подоцна, во момент кога туристот го допрел слонот со цел да го погали, животното го удри силно со сурлата. Мажот падна ја земја, но за среќа не бил повреден.

Набрзо стана и избега плашејќи се дека можеби слонот ќе се вознемири повеќе и ќе го прегази.

Според документарниот филм „Elephant Rage“ кој е прикажан на Национална географија, секоја година околу 500 луѓе страдаат од напад на слон.