Неделен возен ред на автобусите на ЈСП во наредните три дена, со исклучок на неколку линии

 Автобусите на Јавното сообраќајно претпријатие „Скопје“ во наредните три дена: Бадник – 6 јануари, Божик – 7 јануари и сабота, 8 јануари, ќе сообраќаат по неделен возен ред, со исклучок на неколку линии. Дежурни ќе бидат три билетарници, а жичарницата ќе работи вообичаено.

ЈСП информира дека исклучок од неделен возен ред ќе бидат  линиите: 11, 11а, 18а, 32, 47а, 55, 55б, 56, 56а, 81, 118, 160 и 164, кои утре (четврток, 6 јануари) ќе возат по саботен возен ред.

Дежурни од 7 до 19 часот ќе бидат билетарниците на Транспортен центар и Зелен пазар, а од 7 до 13 часот ќе биде отворена билетарницата во Ѓорче Петров.

Жичарницата во наредните три дена ќе работи вообичаено, од 10 до 17 часот.