Нема место за паника: Заразените пациенти на Инфективна во добра состојба, состојбата под контрола
Седумтемина пациенти од гостиварско село хоспитализирани на Клиниката за инфективни болести се во добра општа состојба и се чекаат нивните резултати од нашата лабораторија и од рефентните центри, изјави денеска заменик-министерот за здравство Гоце Чакаровски.
Резултатите од анализите за утврдување на причината за смртта на двете лица од гостиварското село Симница кои починаа на Клиниката за инфективни болести откако биле донесени во тешка здравствена состојба, покажале дека тие биле позитивни на Хантан вирус, кој не се пренесува од човек на човек.
Чакаровски рече дека во овој момент во селото и во бачилото се врши комплетна дератизација и дезинсекција на сите објекти во селото и околината. Потенцира дека се чекаат резултати од мострите од вода и резултатите од Агенцијата за храна и ветеринарство.
- Нема место за паника, се е под контрола, потенцира Чакаровски.
Тој рече дека преземаат се што е во ингеренција на Министерството.
- Овој вирус се пренесува преку глодари. Точно како е настанат допрва ќе сознаваме и ќе ја известиме јавноста. Комисијата за заразни болести постојано заседава и вклучени се сите институции. Вчера го посетивме и инфективното одделение во Гостивар, понудивме помош, таму немаше нови пациенти. Денес нема нови пациенти, додаде Чакаровски одговарајќи на новинарско прашање по прес-конференцијата по повод одбележувањето на Светскиот ден за борба против хепатитис.
Ново на Сител
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички
-
Инфлацијата во април зголемена за 0,7 проценти во однос на март
-
Путин положи заклетва за новиот, петти по ред, претседателски мандат