Нетанјаху се откажа од својот кандидат за нов шеф на Агенцијата за внатрешна безбедност
Израелскиот премиер Бенјамин Нетанјаху денеска соопшти дека се откажал од назначувањето на Ели Шарвит за нов директор на Агенцијата за внатрешна безбедност (Шин Бет) по критиките за неговиот кандидат од страна на влијателниот американски сенатор Линдзи Греам.
Кабинетот на израелскиот премиер соопшти дека Нетанјаху му се заблагодарил на вицеадмиралот Шарвит што одговорил на неговата покана да ја прифати функцијата, но го информирале дека по дополнително разгледување, има намера да разгледа и други кандидатури.
Оваа ненадејна промена дојде откако номинацијата на адмиралот Шарвит за раководството на Шин Бет беше критикувана во САД од републиканскиот сенатор Линдзи Греам, кој е близок до американскиот претседател Доналд Трамп.
Греам рече дека номинацијата на Ели Шарвит за нов шеф на Шин Бет е повеќе од проблематична.
„Мојот совет до моите израелски пријатели е да го променат својот став и подетално да го проучат минатото на нивниот кандидат“, рече Греам и укажа на изјавите на адмиралот Шарвит за претседателот Трамп и неговата политика, кои, како што рече, „ќе создадат непотребни тензии во критично време“.
Нетанјаху во понеделникот ја објави номинацијата на Шарвит за шеф на Шин Бет, иако Врховниот суд на земјата ја замрзна смената на вршителот на должноста шеф на агенцијата, Ронен Бар.
Одлуката на Нетанјаху да го смени Бар, за кого рече дека повеќе нема доверба, беше жестоко критикувана во Израел, каде протестите против владата се зголемуваат.
Ново на Сител
-
Средба на министерот Муцунски со комесарката за проширување на ЕУ, Марта Кос
-
Почина Инес, јагуарот од скопската ЗОО
-
247 санкционирани возачи денеска во Скопје, еден возач лишен од слобода за безобзирно возење
-
Тошковски: МВР ќе постапува против секој за кој постојат докази дека сторил кривично дело
-
Вучиќ верува дека следната недела ќе биде избрана новата влада во Србија
-
Папата Франциск неочекувано се појави на плоштадот Свети Петар и ги поздрави верниците на Цветници
-
Кривична за штипјанец, возел со 1.5 промили алкохол
-
Исчезнато 15-годишно девојче од скопско Кадино