Нетанјаху вели дека нема планови за израелски населби во Газа
Израелскиот премиер Бенјамин Нетанјаху изјави дека Израел не планира да гради населби во Појасот Газа откако ќе заврши војната таму, пренесе ДПА.
– Раселувањето на Газа … никогаш не беше на маса. Некои од моите гласачи не се задоволни поради тоа, но тоа е мојата позиција, рече Нетанјаху во интервју за американската телевизија Си-Ен-Ен.
Неколку од десничарските националистички министри во коалицијата на Нетанјаху постојано се изјаснуваат за населување на Појасот Газа со еврејски доселеници. Министерот за национална безбедност Итамар Бен-Гвир вчера изјави дека и самиот би сакал да живее таму.
– Штом ќе биде поразена палестинската милитантна организација Хамас, мора да се постигне одржлива демилитаризација на Појасот Газа, изјави Нетанјаху за Си-Ен-Ен, додавајќи дека „единствената сила што може да го спречи повторното оживување на тероризмот во догледна иднина е Израел“.
– Во исто време сакаме, сакам, цивилна администрација што ќе ја водат жители на Газа кои не се ниту Хамас, ниту се посветени на наше уништување, додаде израелскиот премиер.
Бени Ганц, член на воениот кабинет на Израел, во саботата рече дека тој и другите членови на неговата централнодесничарска партија Национална унија ќе ја напуштат владата на Нетанјаху доколку тој не претстави план за повоениот поредок во Појасот Газа до 8 јуни.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени