Николоски: ВМРО-ДПМНЕ предупредуваше на енергетската криза

Потпретседателот на СДСМ Александар Николоски, денеска на прес конференција на новинарско прашање, во врска со цената на струјата и проблемите со парното греење во Скопје, истакна дека главни виновници за енергетската криза во земјава се Зоран Заев, Димитар Ковачевски и Али Ахмети кои и покрај предупредувањата од ВМРО-ДПМНЕ пред девет месеци  ништо не направија да ги решат проблемите со електричната енергија, а сега се дозволи и да се смрзнуваат граѓаните.

-На граѓаните треба да помогнат тие кои мислат дека можат да водат држава и кои вчера без никаков срам излегоа со состав на влада иако беа прегазени на претходните локални избори, да се случеа предвремени парламентарни избори сега веќе ќе зборувавме за влада на ВМРО-ДПМНЕ која ги има одговорите на овие прашања, посочи Николоски.
Тој потсети дека ВМРО-ДПМНЕ предупредуваше дека ова ќе се случи уште пролетта минатата година, уште пред да се случи со цел да се има доволно време за овие проблеми да се решат.

-Девет месеци бевме игнорирани, девет месеци се ставаше главата во песок на ист начин на кој тоа се правеше со коронакризата и со  вакцинацијата некаде  пред година и половина, после девет месеци „сметките доаѓаат“, а градот замрзнува, а тоа се случува затоа што имаме неспособни политичари кои не гледаат подалеку од носот и личниот интерес, рече Николоски.

Николоски посочи исто така дека при најавена енергетска криза, а Македонија има доволно ресурси да произведува електрична енергија за сопствени потреби , а тие не се искористат увезуваме скапа струја тоа е рамно на аматеризам, ако се решеше тој проблем ќе можеше да се помогне повеќе за набавка на гас, ќе можеше државата да субвенционира, но во услови на пропаднат Буџет и највисок историски дефицит јасно е дека пари нема,а граѓаните се оставени да се смрзнуваат, рече Николоски.

Тој посочи дека главни виновници за целосната ситуација со енергетската криза се Зоран Заев, Димитар Ковачевски и Али Ахмети и овие кои сега ја водат Владата, кои велеа дека прво нема криза, па се лажеше јавноста дека поскапувањето на струјата ќе биде минимално, за да сега видиме дека поскапувањето е огромно.

Потпретседателот на ВМРО-ДПМНЕ Александар Николоски на денешната прес конференција одговарајќи на новинарско прашање на што се должи заострената реторика кон ЛДП, ДОМ и Демократскиот сојуз рече дека не смета дека е заострената реторика, туку реална, бидејќи овие коалициски партнери како што ги нарече приврзоци на владата на СДСМ седат во влада во која што царува криминалот.

Јас не мислам дека е заострена реториката, напротив мислам дека е реална реторика. Да седат како приврзоци во влада во која што царува криминалот и економската неспособност, покажува само дека имаат други интереси. Дали ДОМ е зелена партија, а Македонија е почиста, одговорот е апсолутно не. Демократскиот сојуз е партија која се промовира како партија за борба со криминалот и корупцијата, дали Македонија е подобро или полошо рангирана на Транспаренси интернешанал, секако е дека е полошо рангирана, а криминалот се гледа секојдневно, како што кажав кокаинот царува по македонските улици, вели Николоски.

Дали во РЕК Битола нема рекет од каде што доаѓа претседателот на ЛДП, има рекет и тој го гледа тоа секојдневно, но ќути и премолчува затоа што очигледно или овие ликови се уценети или и тие се длабоко влезени во криминал или можеби и двете. И ќе бидат избришани на следните избори затоа што граѓаните тоа го гледаат, изјави тој.

Николоски ги повика да го демантираат со тоа што на следната седница во собранието кога ќе се гласа за избор на нова влада, да гласаат против и веднаш да се оди на предвремени парламентарни изброи.

Кога ќе биде закажана седницата за избор на влада, имаат шанса да го демантираат сето ова што го кажав, нека гласаат против изборот на оваа влада, владата нема да биде избрана и веднаш нека одиме на предвремени парламентарни избори, повика Николоски.
 
Центар за комуникации на ВМРО-ДПМНЕ