Николовски: Нема проблем со брашното, се спроведува договореното и се бара трајно решение
Нема никаков проблем, тоа што е догогворено во Скопје се спроведува. Мешовитиот комитет заседаваше во Белград, ќе продолжи со седница во Скопје, изјави денеска министерот за земјоделство, шумарство и водостопанство Љупчо Николовски, во врска со увозот на српско брашно за којшто Србија вчера најави воведување контра мерки ако ситуацијата не се надмине до 14 април.
Како што рече Николовски, засега останува одлуката за брашното од еден, три и пет килограми маркичките да се лепат во Србија, а за поголемите пратки во Македонија, но не е исклучено и останува опција маркичките трајно да се укинат ако за тоа се постигне согласнот од двете страни, особено од стопанствениците.
- Наместо секоја година да го решаваме проблемот со брашното, ќе се обидеме да најдеме трајно решение. Останува во овие 30 дена од формирањето на мешовитиот комитет да се разгледа и можноста за целосно укинување на маркичките, истакна Николовски, одговарајќи на новинарски прашања пред трибината за осигурување во земјоделството.
Според него, во однос на брашното, не се штитат ничии интереси, најмалку поединци.
- Проблемот го создава некој што не сака да работи по правилниците и ги изигрува, одговори министерот, коментирајќи ја вчерашната изјава на Љајиќ дека тројца мелничари од Македонија се причина за настанатата ситуација.
Николовски порача дека ќе биде најдобро ако Македонија успее не само со Србија, туку и со останатите земји да се усогласи околу нецаринските бариери зашто тоа ќе значи чекор напред кон унапредување на размената
Ново на Сител
-
Изречени казни од над 350.000 евра за неправилности на плажи во Грција
-
Филков - Гир: Спроведувањето на реформската агенда приоритет на државата
-
Израелската војска ги повика Палестинците да се евакуираат од неколку населби на градот Газа
-
Перински: Јавниот повик за општините веднаш по ребалансот на Буџетот, на располагање ќе ги имаат првите 100 милиони евра
-
Оливер Зафировски назначен за директор на Клиниката за пулмологија и алергологија во Скопје
-
Езерската полиција спасила две малолетни лица во водите на Охридското Езеро
-
Дефинитивно денови за паметење – Народната и забавната музика ги разгореа жештините во Кратово | ФОТО
-
Три жени повредени во сообраќајка кај „Мавровка" | ФОТО