Никос Анастасијадис повторно избран за претседател на Кипар
Претседателот на Кипар Никос Анастасијадис е реизбран на денешниот втор круг претседателски избори.
Од преброените сто отсто од гласовите, тој доби 55,99 проценти.
Одѕивот беше 73 отсто, помал од претседателските избори во 2013 година, кога изнесуваше 83 отсто, но два отсто повисок од првиот круг избори годинава.
Гласањето започна во 7.00 часот, по локално време, а се одвиваше на повеќе од илјада избирачки места. Право на глас имаа 550.000 граѓани на Кипар.
Жителите на Кипар денеска избираа меѓу двајцата кандидати, досегашниот кипарски претседател Никос Анастасијадис и независниот кандидат Ставрос Малас.
Анастасијадис (71) од христијанско-демократската партија Демократски збор во првиот круг од претседателските избори, што беа одржани на 28 јануари, освои 35,5 отсто од гласовите, а неговиот ривал, независниот кандидат Малас (50), кој ужива поддршка од комунистичката партија АКЕЛ, освои 30,25 отсто од гласовите.
Никос Анастасијадис е водечка личност на кипарската политичка сцена со децении. Десет години е претседател на партијата Демократски збор. Беше пратеник од 1981 до 2013 година, кога ја исполни својата главна амбиција да стане претседател.
Студирал право на Атинскиот универзитет, а постдипломски студии завршил во Лондон. Женет е и татко на две ќерки.
Ново на Сител
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот