Њу Орлеанс победува и без Дејвис, Харден го заврши јануари со неверојатни бројки

Кошаркарите на Њу Орлеанс Пеликанс го изненадија Хјустон со победа од 121:116 минатата ноќ во НБА лигата.

И покрај отсуството на Ентони Дејвис и драмата што се појави поради неговото јавно откритие за намерата да го напушти тимот, „пеликаните“ триумфираа над еден од најдобрите тимови на Западот.

Тие беа предводени од Џалил Окафор со 27 поени и 12 скока, 19 додаде Дру Холидеј заедно со 8 асистенции, додека Иан Кларк постигна 15 поени.

На „ракетите“ не помогна ниту новиот силен натпревар на Џејмс Харден кој постигна 37 поени (11/32 од игра, 6/18 тројка) со 11 скока, 6 асистенции и 4 украдени топки. Кенет Фарид се обиде да му помогне со 19 поени и 11 скока, додека Ерик Гордон додаде 17.

Што се однесува до „брадата“, во 24-та последователна средба тој постигнува минимум 30 поени, а јануари го завршува со неверојатни бројки. Тие се слични на тоа што НБА лигата за последен пат го виде во 1963 година, за време на „владеењето“ на Вилт Чембрлен, кој го заврши првиот месец од таа година со просек од 45,8 поени. Јануарскиот просек на Харден беше 43,6 (со 8,7 скока и 7,6 асистенции).

Исто така, во четиринаесетте мечеви што ги одигра во јануари, Харден учествуваше со 610 поени. Последниот кој го дал 600 поени за еден месец беше Мајкл Џордан во 1987 година.

Резултати од НБА:

Кливленд – Вашингтон 116: 113
Детроит – Милвоки 105: 115
Орландо-Оклахома Сити 117: 126
Бруклин – Чикаго 122: 117
Хјустон – Њу Орлеанс 116: 121
Сан Антонио-Феникс 126: 124
Лос Анџелес Лејкерс – Филаделфија 105: 121.