Носењето маски во јавниот превоз во Португалија останува задолжително барем до крајот на август

Португалските власти одлучија дека носењето заштитни маски во јавниот превоз поради Ковид-19 ќе остане задолжително барем до крајот на август.

Целта на таа мерка е заштита на претставниците на ризичните групи.

Носењето маски во јавниот превоз е „најсериозната мерка во сила и мора да остане за заштита на најранливите делови од населението“, рече Маријана Виеира, портпаролка на Владата на прес-конференција.

Иако „ситуацијата во моментов е под контрола и гледаме сериозен пад на смртните случаи, владата одлучи да ги следи советите на специјалистите“, додаде Виеира.

Португалија е меѓу рекордерите за вакцинација против Ковид, но бележи зголемување на случаите од мај, при што се верува дека причина е подваријантата BA.5 на варијантата на коронавирусот Омикрон.