Нов напад од улични кучиња, скопјанка завршила на клинички
Околу 18 часот синоќа во населбата Железара во Скопје се случил нов напад од глутница кучиња скитници. Повредена е 49 годишна скопјанка која поради здобиените повреди била пренесена во клиничкиот центар. Лекарите од инфективната клиника ја сошиле раната и поставиле дрен за да спречат инфекција, а пациентката ја примила и потребната вакцинална терапија.
Нападот се случил кај трите кули во населбата додека скопјанката одела да пазари од маалската продавница. Жителите на населбата реагираат и бараат помош бидејки истото куче и претходно напаѓало жители на населбата.
Ова е втор напад во кој е повредена 49 годишната жена. Фотографијата која ја добивме е направена по синоќешниот напад, а случајот и овој пат е пријавен кај надлежните служби. Жителите на оваа населба апелираат градските власти да преземат соодветни мерки за да се спречат нови напади. Стравуваат дека последиците може да бидат многу посериозни доколку кучињата нападнат некое од децата во населбата.
Иван Кузмановски
Ново на Сител
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка
-
Благодатниот оган се спушти во храмот над Светиот гроб во Ерусалим
-
Серафимов: Цената на месото не е зголемена за Велигден
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона