Нов ракетен напад врз американска база во Ирак

Воената база „Таџи“, северно од Багдад, во која се наоѓаат американски трупи и нивни сојузници, повторно беше мета на ракетни напади, соопштија ирачките безбедносни структури.

Нападот се случи само неколку дена по сличен ракетен напад врз базата во кој загинаа тројца војници, двајца американски и еден британски.

Засега нема информации дали имало жртви во нападот.

Воените власти соопштија дека повеќе од 10 ракетни ракети експлодирале во воената база, неколку погодиле штабови, додека други паднале на пистата користена од ирачките сили.