Нов Зеланд дополнително ги олеснува мерките против Ковид-19
Веќе нема да биде потребно посетителите на Нов Зеланд да бидат вакцинирани против Ковид-19, соопшти денеска премиерката Џасинда Ардерн, јави ДПА.
Во земјата ќе престане да важи и мерката за носење маски, освен во здравствени и установи за нега на стари лица.
– Време е безбедно да се сврти страницата од нашето управување со Ковид-19, да живееме без вонредните мерки што ги користевме, додаде премиерката.
Земјата ги затвори за сите своите граници во март 2020 година, а повторно беа отворени во јули годинава.
Како што информираше Ардерн, барањето туристите да се тестираат при пристигнување и повторно на петтиот ден, сега ќе биде „охрабрувано“, наместо задолжително.
– Денес се означува пресвртница во нашиот одговор. Конечно, наместо да се чувствуваме како Ковид-19 да диктира што се случува со нас, нашите животи, нашите иднини, ние си ја враќаме контролата, нагласи премиерката.
Меѓу другите промени што започнуваат од денеска, се и изолација во времетраење од седум дена само за оние чиј тест ќе биде позитивен на коронавирус. Изолација нема да биде потребна за контакти од исто домаќинство, ами ќе бидат подложни на дневен Ковид-19 тест пред да продолжат со својот живот нормално.
Земјата спроведуваше нула-Ковид стратегија голем дел за време на пандемијата, вклучувајќи национални локдауни во март 2020 и август 2021 година, кога делта и омикрон варијантите се појавија во внатрешноста.
Нов Зеланд, земја со околу пет милиони луѓе, евидентираше над 1.7 милиони инфекции со Ковид-19 и речиси 2.000 смртни случаи од почетокот на пандемијата.
Ново на Сител
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија
-
Свечља: Вучиќ ќе биде затворен ако се обиде без дозвола да влезе во Косово