Нова кујна во градинката „Росица“ во Ѓорче Петров

Градоначалникот на општината Ѓорче Петров Сокол Митровски денеска во ЈОУДГ „Росица“ свечено ја пушти во употреба реновираната централна кујна во објектот „Калинка“ во населбата Хром.

Како што соопштуваат од општината, со реновирањето се задоволени сите HACCP стандарди кои обезбедуваат безбедност во исхраната.

- Во истиот објект е проширена салата и сменета дрвената столарија со нови ПВЦ врати, уредена е фасадата во препознатливиот стил на градинката „Росица“ нацртани се интересни мурали на надворешните ѕидови), во дворот се направени нови песочници (места за играње на децата во песок) и комплетно е преуредено и надоградено надворешното осветлување, се вели во соопштението.

За опремување на новата кујна, каде се подготвуваат 1.200 оброци дневно потрошени се над еден милион денари, колку што е инвестирано и во градежните работи.