Нова победа на Вон, драматичен пад на Кук

Линдзи Вон уште еднаш потврди дека е во одлична форма пред стартот на Зимските олимписки игри откако победи и на вториот спуст што се возеше рано утринава во Гармиш Партенкирхен.

Вон до 81-та победа во кариерата дојде со време од 0.11 секунди предност пред водечката во генералниот пласман Софија Гоџа додека трета низ целта мина Тина Вајратер од Лихтенштајн.

Сепак вниманието го привлече  тешкиот  пад на Американката Стејси Кук кој удри во заштитната мрежа со брзина од преку 100 километри на час но за среќа мина без повреди и успеа сама да се спушти по патеката.

Засега нема информации за посериозни последици од падот.