Нова победа стара доминација, Волкановски ја одбрани светската титула

Александар Волкановски повторно го потврди шампионскиот статус во перо категоријата на УФЦ.

На спектаклот УФЦ 325, одржан во арената „Кудос бенк“ во Сиднеј, тој целосно го доминираше Бразилецот Диего Лопез и ја забележа својата 28. победа во кариерата, како и трета во последните шест настапи.

Пред својата публика, Волкановски имаше извонредно издание и сигурно славеше во реваншот со Лопез, а судиите едногласно му ја доделија победата со резултати 49-46, 49-46 и 50-45.